Sciant presentes et futuri quod ego Wymundus le Lyndraper dedi concessi et hac presenti carta mea confirmaui et quietum clamaui pro me et pro heredibus meis uel meis assignatis fratri Nicholao magistro hospitalis sancti Iohannis extra portam orientalem Oxonie et confratribus eiusdem domus et eorum successoribus murum illum situatum super terram meam qui est capital[is] et bunda inter terram meam uersus aquilonem in parochia sancti Petri in oriente in Oxonia et terram predictorum fratrum uersus austrum unde capud unum se extendit ad terram Iohannis Kepeharm et aliud capud se extendit ad terram ecclesie sancti Petri in oriente Oxonie quam Symon de Feowcote tempore istius confectionis tenuit in puram et perpetuam elemosinam imperpetuum ita quod predicti fratres bonam licentiam habeant in parte mea de terra mea ad suffitientiam reparation[um] dicti muri fodere habend et tenend predictum murum cum omnibus esiamentis dicto muro pertinentibus libere quiete pacifice et in[tegre in puram et perpe]tuam elemosinam imperpetuum ita quod predicti fratres predictum murum de terra mea in parte mea ad suffitientiam [...] ad commoda eorum et ad omnia esiamenta predictorum fratrum et eorum tenentium erigere siue de nouo leuare in toto uel in parte absque [impedimento] uel calumpnia mei uel heredum meorum uel assignatorum meorum imperpetuum Et ego Wymundus et heredes mei uel mei assignati dictis magistro et fratribus et eorum successoribus predictum murum cum omnibus esiamentis predictis warantizabimus et defendemus et acquietabimus in puram et perpetuam elemosinam in perpetuum Et ut hec mea donatio concessio quietaclamatio rata stabilis et inconcussa in puram et perpetuam elemosinam imperpetuum permaneat huic scripto sigillum meum apposui Hiis testibus Nicholao Aurifabro tunc maiore Oxonie Thoma de Sowy Ricardo le Especer tunc balliuis Oxonie Symone Scot Martino Exemplario Iohanne de Ambrebyr[] Symone de Feawcote Iohanne Kepeharm Michele Molendinario Iohanne Log et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.