Sciant presentes et futuri quod ego Alitia quondam uxor Roberti Baggard in mea pura uiduitate et legea potestate dedi concessi et omnino quietum clamaui fratri Waltero tunc magistro hospitalis sancti Iohannis extra portam orientalem Oxonie et eiusdem loci confratribus totum ius meum quod habui uel habere potui in terra mea de Kybaldistrete que quidem terra iacet inter terram Stephani Le Macun ex una parte et aulam que uocatur Uinehalle ex altera habend et tenend predictis magistro et fratribus et eorum successoribus imperpetuum pro me et heredibus meis uel meis assignatis libere quiete bene et in pace et honorifice Pro hac autem donatione concessione et quieta clamatione relaxauerunt michi predicti confratres duodecim solidos de arreragiis annui redditus cuiusdam terre in quibus dicto hospitali tenebar Et ut hec mea donatio concessio et quieta clamatio rata et stabilis et inconcussa permaneat imperpetuum presens scriptum sigilli mei impressione roboraui Hiis testibus Nicholao de Kyngistone tunc maiore Oxonie Galfrido Aurifabro Nicholao de Colushulle tunc balliuis Waltero Aurifabro Willelmo le Spicer Galfrido de Heygseye Iohanne de Filekynge Willelmo Pille Iohanne le Marischal Stephano Ligatore Ricardo de Eppewelle et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.