Sciant presentes et futuri quod ego Iohannes Curcy dedi dimisi et hac presenti carta mea confirmaui Laurentio Log totam terram cum omnibus pertinentiis suis quod est inter terram prioris sancte Frideswide et uenellam que appellatur Kybaldestrete contra murum uille Oxonie in parochia sancti Petri orientalis habend et tenend sibi et heredibus suis uel suis assignatis de me et heredibus meis in perpetuum libere quiete et integre reddendo inde annuatim michi et heredibus meis unam marcam argenti ad quatuor anni terminos uidelicet ad Natale Domini xl denarios et ad festum beate Marie in Martio xl denarios et Natiuitatem beati Iohannis Baptiste xl denarios et ad festum sancti Michelis xl denarios pro omni seruitio exactione et demanda predictam terram contingentibus Et ego Iohannes et heredes mei warantizabimus totam predictam terram uidelicet illud mesuagium cum omnibus pertinentiis suis quod aliquando uocabatur Brondeshalle predicto Laurentio et heredibus suis uel suis assignatis contra omnes homines mares et feminas Ut igitur hec omnia predicta firma et stabilia in perpetuum permaneant hoc presens scriptum sigilli mei impressione corroboraui et confirmaui Hiis testibus Laurentio With et Hugone Faue tunc prepositis Oxonie Petro filio Thoroldi Henrico filio Henrici Ada Cruste Willelmo de Winthonia Iohanne Bigod Ada Wistle Rogero le Bolter Willelmo de Chiltone Waltero Kepeharm Iordano Clerico Willelmo Petticortes et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.