Sciant presentes et futuri quod ego Walterus Bolle de Oxonia dedi concessi et hoc presenti carta mea confirmaui pro me et heredibus meis deo et sancte Marie et hospitali sancti Iohannis extra portam orientalem Oxonie quoddam mesuagium cum pertinentiis in uico sancti Iohannis situm inter terram sancti Iohannis ex una parte et terram que fuit Iohannis de Fincham ex altera habend et tenend dictis fratribus et eorum successoribus dictum messuagium cum pertinentiis libere quiete bene et in pace reddendo inde annuatim michi et heredibus meis unum clauum equi ad Pascha pro omni seculari seruitio exactione et demanda Ego uero Walterus Bolle et heredes mei dictum mesuagium cum pertinentiis dictis fratribus et eorum successoribus contra omnes homines et feminas warantizabimus et defendemus in perpetuum Pro hac autem donatione concessione et warantizatione dederunt michi predicti fratres unam marcam argenti pre manibus Et ut hec mea donatio concessio warantizatio et carte mee confirmatio rata et stabilis permaneat huic scripto sigillum meum apposui Hiis testibus Ada Feteplace tunc maiore Oxonie Galfrido de Heygtisye Roberto Molendinario tunc prepositis Oxonie Waltero Aurifabro Galfrido fratre eius Waltero de Middiltone Petro Pistore Alexandro Milite et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.