Sciant presentes et futuri quod ego magister Thomas de Beuerlaco dedi concessi et hac presenti carta mea confirmaui Henrico de Lincolnia unum mesuagium cum pertinentiis suis quod iacet inter terram predicti Henrici et terram prioris de Schireburne in parochia sancti Petri orientalis Oxonie habend et tenend predicto Henrico et heredibus suis uel suis assignatis quibuscumque illud uoluerit dare uendere legare assignare siue in sanitate siue in egritudine libere quiete pacifice et integre reddendo inde annuatim Alarie que fuit filia Willelmi le Specer unum clauum gariofili ad Natiuitatem sancti Iohannis Baptiste et michi et heredibus meis unum clauum gariofili ad Natiuitatem sancti Iohannis Baptiste et hospitali sancti Iohannis extra portam orientalem Oxonie uiginti solidos sterlingorum ad quatuor anni terminos uidelicet ad Natale Domini quinque solidos [...] Et ego et heredes mei warentizabimus acquietabimus et defendemus dictum mesuagium cum pertinentiis predicto Henrico et heredibus suis uel suis assignatis contra omnes homines mares et feminas Pro hac autem donatione concessione warantizatione et carte confirmatione dedit michi predictus Henricus decem marcas sterlingorum pre manibus Ut igitur prescripta et prediuisa firma et stabilia sine dolo permaneant in perpetuum huic presenti scripto sigillum meum apposui hiis testibus Ada Feteplace tunc maiore Oxonie Iohanne de Colleshulle Philippo de Ew tunc balliuis Willelmo de Ew Willelmo de Specer Iohanne Filekinge Ricardo Marescallo Roberto Plente Reginaldo Illuminatore Willelmo Ligatore Librorum Simone Scoto Simone Balle Roberto clerico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.