Omnibus Cristi fidelibus presens scriptum uisuris uel audituris Henricus de Swapham salutem in domino Nouerit uniuersitas uestra quod ego ad festum sancti Martini anno domini mcc septuagesimo de domibus meis in parochia beati Petri orientalis in magno uico Oxonie que scite sunt inter domos Uniuersitatis ex una parte et domos Iohannis Fileking[] ex altera in hunc modum testamentum meum ordino et facio In primis lego dictas domos cum suis pertinentiis hospitali sancti Iohannis Oxonie possidendas post mortem Willelmi fratris mei reddendo capitalibus dominis seruitium debitum et consuetum Uolo autem quod fratres dicti hospitalis ponantur primo in saisinam dictarum domuum cum pertinentiis et postea recipiet dictus Willelmus frater meus ipsas domos de predictis fratribus quas sibi lego in presenti testamento tenend et habend toto tempore uite sue reddendo inde annuatim predicto hospitali et fratribus pro illa parte domorum quarum principales domini sunt decem solidos argenti et pro alia parte domorum capitalibus dominis seruitium debitum et consuetum Dictum autem hospitale et fratres warentizabunt acquietabunt et defendent dictas domos cum pertinentiis dicto Willelmo fratri meo toto tempore uite sue per predicta seruitia contra omnes homines In cuius rei testimonium presenti testamento meo sigillum meum una cum sigillis Willelmi fratris mei Willelmi ligatoris librorum Symonis Scot executorum meorum apposui

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.