Sciant presentes et futuri quod ego Amitia relicta Roberti Waldri in libera uiduitate mea et in plenaria potestate mea dedi et concessi et hac presenti carta mea confirmaui pro me et heredibus meis in perpetuum deo et beate Marie et fratribus hospitalis sancti Iohannis extra portam orientalem Oxonie et eorum successoribus in puram liberam et perpetuam elemosinam pro salute anime mee et antecessorum et successorum meorum illud tenementum cum pertinentiis quod fuit Osberti Fabri quod iacet inter terram que fuit Symonis Cordiwanarii et terram que fuit Aylwini le Turnur in parochia sancti Petri uersus portam orientalem Oxonie concessi etiam eisdem fratribus pro salute anime mee et antecessorum et successorum meorum tres solidatos annui redditus et sex denariatos quos solebam recipere annuatim de domo Willelmi Ioye extra portam orientalem Oxonie habend et tenend dictum tenementum cum pertinentiis cum predictis tribus solidatis annui redditus et sex denariatis predictis fratribus et eorum successoribus pro me et heredibus meis libere et quiete bene et in pace reddendo inde annuatim capitali domino dimidiam marcam argenti pro omni seculari seruitio exactione et demanda Ego uero Amitia et heredes mei dictum tenementum cum pertinentiis et dictas tres solidat[as] annui redditus et sex denariat[as] dictis fratribus et eorum successoribus warantizabimus contra omnes homines et feminas acquietabimus et defendemus in perpetuum Et ut hec mea donatio concessio et confirmatio rata sit et stabilis in perpetuum huic scripto sigillum meum apposui Hiis testibus Galfrido de Henkesteheye Iohanne de Colewelle tunc prepositis Oxonie Waltero Aurifabro Galfrido Aurifabro Nicholao de Kingestone Waltero de Oseneye Waltero de Kingestone Galfrido clerico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.