Omnibus sancte matris ecclesie filiis hoc scriptum inspecturis frater Nicholaus magister hospitalis sancti Iohannis Baptiste extra portam orientalem Oxonie et fratres eiusdem loci salutem temporalem et eternam Noueritis nos ex unanimi consensu et assensu totius capituli nostri ad requisitionem et supplicacionem Roberti de Swynebroke assignasse concessisse et presenti scripto confirmasse capelle sancti Iohannis predicte [sic] hospitalis nostre decem solidos annui redditus ad usum et incrementum luminar[is] predicte capelle annuatim percipiendos de tenemento quod fuit quondam Iohannis Log in parrochia sancti Petri in oriente quod quidem tenementum Robertus de Wyleby postmodum in feodo tenebat habend et percipiendos de tenemento prefato ut predictum est ad quatuor anni terminos principales et usuales pro equali porcione ad usum prenotatum libere pacifice et imperpetuum Nos uero et successores nostri hanc concessionem assignationem et confirmacionem ratificantes uolumus ut quicumque predictum redditum decem solidorum ad predictum luminare deputatum in alios usus conuertere presumpserit uel alienare sentenciam excommunicationis incurrat ipso facto Pro hac autem concessione assignatione et confirmatione dedit nobis predictus Robertus caritatis intuitu et pro salute sue anime octo marcas sterlingorum pre manibus Et ad perpetuam huius rei memoriam sigillum nostrum commune apposuimus presenti scripto Dat in capitulo nostro die sancti Hilarii anno regni regis Edwardi filii regis Henrici tricesimo quinto hiis testibus Iohanne de Dokelyntone tunc maiore Oxonie Waltero de Wycumbe et Willelmo Pennard tunc balliuis eiusdem uille Roberto de Wormehale Iohanne de Coleshulle et aliis multis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.