Sciant presentes et futuri quod ego Iohannes filius Iohannis de Wyricestre concessi remisi relaxaui et omnino quietum clamaui pro me et pro heredibus meis uel meis assignatis fratri Nicholao magistro hospitalis sancti Iohannis extra portam orientalem Oxonie et confratribus eiusdem loci totum ius et clamium quod habui uel unquam aliquo modo habere potui in uno mesuagio cum omnibus suis pertinentiis situato in uilla Oxonie in parochia sancti Petri in oriente inter tenementum dictorum magistri et fratrum quod Hugo de Ryborewe de eisdem tenet ex una parte et tenementum Iohannis Log ex altera habend et tenend dictum mesuagium cum omnibus suis pertinentiis prefato magistro et fratribus et eorum successoribus libere quiete bene et in pace in puram et perpetuam elemosinam imperpetuum ita uidelicet quod ego Iohannes nec heredes mei nec mei assignati nec aliquis nomine meo nec nomine heredum meorum nec per me nec pro me aliquod ius uel clamium in dicto mesuagio uel in pertinentiis de cetero exigere clamare uel uendicare potero uel poterimus imperpetuum sed ab omnibus actionibus iur[] et petitionibus in eternum sumus exclusi Pro hac autem mea concessione remissione relaxatione et quieta clamatione dederunt michi prenominati magister et fratres centum solidos argenti pre manibus In cuius rei testimonium huic presenti scripto sigillum meum apposui hiis testibus Iohanne Culuerd tunc maiore Oxonie Willelmo de Wodestone Andrea de Pyrie tunc balliuis eiusdem uille Henrico Owayn Philippo de Ew Iohanne de Ew Nicholao Aurifabro Radulfo le Plomer Iohanne Aurifabro Iohanne de Westone Thoma de Hencxeseye Iohanne Log Thoma le Mareschal et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.