Sciant presentes et futuri quod ego Rogerus le Bolter dedi et concessi et omnino quietum clamaui et hac presenti carta mea confirmaui deo et beate Marie et magistro et fratribus et infirmis hospitalis sancti Iohannis extra portam orientalem Oxonie et eorum successoribus totam terram meam cum omnibus pertinentiis suis infra uillam Oxonie et extra uidelicet illud mesuagium cum pertinentiis infra portam orientalem Oxonie quod habui de hospitali sancti Iohannis et est situm inter domum hospitalis et Walteri de Wyrecestre item illud mesuagium quod inhabitaui extra portam orientalem quod emi de Iohanne Logge quod tenuit de hospitali sancti Iohannis et est situm inter domum Willelmi Ioye et domum que fuit Iohannis Husewyf item illud mesuagium iuxta domum meam quod edificaui in area predicta que fuit quondam Iohannis Husewyf sine ullo retenemento pro me et heredibus meis et successoribus meis quibuscunque in liberam et puram et perpetuam elemosinam pro salute anime mee et uxoris et liberorum meorum et omnium antecessorum meorum per hanc cartam meam quiete clamationis tenend et habend dictis magistro et fratribus et infirmis et eorum successoribus bene et pacifice sicut predictum est in puram et perpetuam elemosinam Et ut hec mea donatio et concessio et quietaclamatio rata et stabilis maneat in perpetuum presenti scripto sigillum meum apposui Hiis testibus domino Nicholao de Stokwelle tunc maiore Oxonie Willelmo de Ou Galfrido le Mercer tunc prepositis Oxonie Iohanne de Coleshulle Nicholao de Kyngestone Waltero Aurifabro Galfrido Aurifabro Iohanne Padi Philippo clerico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.