Hec est conuentio facta inter Galfridum filium Simonis ex una parte et magistrum hospitalis sancti Iohannis extra portam orientalem Oxonie et fratres eiusdem loci ex altera uidelicet quod predictus Galfridus concessit et dimisit predicto hospitali unam placeam terre que contigua est terre sue quam tenet de Templo Militie Ierusalem in parochia sancti Petri orientalis in Oxonia que placea continet uiginti unum pedem in longitudine et quinque pedes et dimidium in latitudine Concessit etiam quod predictus magister et fratres et eorum successores habeant duas gutteras iacentes super murum suum in predicto tenemento et illas sustentabunt ita quod nullum dampnum eueniat dicto Galfrido neque heredibus suis uel suis assignatis et si ita contingat quod per predictas gutteras aliquod dampnum euenerit dicto Galfrido uel heredibus suis uel assignatis dicti fratres uel eorum successores illud dampnum sine dilatione facient emendare uisu proborum et legalium uirorum Quod si noluerint dictus Galfridus uel heredes eius uel sui assignati dictas gutteras amouebunt sine aliqua contradictione dictorum fratrum uel eorum successorum Pro hac autem conuentione dicti magister et fratres dederunt predicto Galfrido triginta solidos sterlingorum Et ut hec conuentio rata et stabilis in perpetuum permaneat huic scripto utraque pars sigillum suum alternatim apposuit hiis testibus G de Stocwelle tunc maiore Oxonie Iohanne Sewy et Hugone Hardinge tunc prepositis Philippo Molendinario Henrico filio Henrici Pentecost Willelmo de Wintonia Henrico Hinge

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.