Sciant presentes et futuri quod ego Milo Martel dedi et concessi et hac presenti carta mea confirmaui Thome de Fonte de Garsindone totam terram meam angularem cum pertinentiis que iacet inter terram Willelmi de Aliwelle ex una parte et terram Ricardi Fullonis ex altera ex opposito ecclesie sancti Petri orientalis Oxonie excepto uno pistrino cum uno furno et exceptis septem ulnis ferreis domini regis cum pollicibus in latitudine circa furnum et exceptis quinque ulnis ferreis domini regis cum pollicibus in longitudine circa furnum habend et tenend sibi et heredibus suis uel suis assignatis quibuscumque illam terram uoluerit dare uendere legare assignare siue in sanitate siue in egritudine de me et heredibus meis in feodo et hereditate cum libero introitu et exitu libere quiete pacifice et integre reddendo inde annuatim michi et heredibus meis ipse et heredes sui uel sui assignati duos solidos esterlingorum ad duos anni terminos uidelicet ad festum beate Marie in Martio duodecim denarios et ad festum sancti Michelis duodecim denarios pro omni seruitio et exactione et demanda Et ego predictus Milo et heredes mei warantizabimus totam predictam terram ut prediuisum est predicto Thome et heredibus suis uel suis assignatis in perpetuum contra omnes homines mares et feminas Pro hac autem donatione concessione warantizatione dedit michi predictus Thomas octo marcas sterlingorum pre manibus in garsumam et Edoline uxori mee tres marcas sterlingorum ad magnum negotium nostrum Ut igitur prescripta firma et stabilia sine dolo permaneant in perpetuum huic presenti scripto sigillum meum apposui Hiis testibus Nicholao de Stocwelle tunc maiore Oxonie Galfrido Aurifabro Willelmo le Seinter tunc prepositis Nicholao de Kingestone Laurentio Log Ada Wystlee Rogero le Batur Wimundo Lingedraper Ricardo de Huntindune Roberto Clerico

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.