Sciant presentes et futuri quod ego Willelmus Cuparius debeo Ysaac filio Mossei de Wintonia uiginti solidos esterlingorum de noua moneta pro quibus debeo ei reddere per annum unam marcam de morwagio scilicet dimidiam marcam ad Natiuitatem sancti Iohannis Baptiste proximo post obitum Simonis de Welles Cicestrensis episcopi et dimidiam marcam ad Natale Domini proximo post et nisi termini tenerentur dabo ei de omni termino preterito qualibet septimana pro qualibet dimidia marca tres obolos de lucro quamdiu tenuero per libitum eius et de anno in annum quamdiu tenuero per libitum eius et sciendum quod istos predictos uiginti solidos mutuo cepi ab eo ad Epiphaniam domini proximo ante predictos terminos et pro toto predicto debito et lucro si acciderit inuadiam ei totas terras meas quas habeo in uilla Oxonie siue extra Hoc affidaui pro me et pro heredibus meis tenend illi uel heredibus suis et sigillo meo confirmaui

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.