Pateat uniuersis per presentes quod ego Robertus de Willeby et Agnes uxor mea obligamus nos sub pena decem librarum fratri Nicholao magistro hospitalis sancti Iohannis extra portam orientalem Oxonie et eiusdem loci confratribus in edificatione cuiusdam domus in parochia sancti Petri in oriente quam quidem domum recipimus de predicto magistro et confratribus predictis usque ad terminum uite nostre sicut plenius in scriptis inter nos confectis continetur infra duos annos proximo sequentes uidelicet muros et coopertorium de petra et meremium de querco sine ulteriori dilatione In cuius rei testimonium sigilla nostra apposuimus Dat Oxonie die Natiuitatis sancti Iohannis Baptiste anno regni regis Edwardi tricesimo tercio

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.