Uniuersis Cristi fidelibus ad quos hoc presens scriptum peruenerit Hugo de Merk salutem in domino sempiternam Noueritis me concessisse remisisse et omnino quietum clamasse pro me et pro heredibus a meis uel assignatis imperpetuum Alitie Noel et heredibus suis uel assignatis duas marcas et dimidiam argenti annui et quieti redditus quas dicta Alitia michi soluere consueuit per annum uidelicet de uno mesuagio cum suis pertinentiis existens in uilla Oxonie in uico qui uocatur Gropelane quod quidem mesuagium cum pertinentiis aliquo tempore emi et adquisiui de Iohanne Warcheyn et de uxore sua ita quod de cetero nec ego predictus Hugo nec heredes mei uel assignati nec aliquis nomine meo aliquid iuris uel clamii in predictis duabus marcis annui et quieti redditus prout dictum est a predicta Alitia et heredibus suis uel assingnatis exigere nec uendicare potero nec poterunt in perpetuum Et ut hec mea concessio remissio et quieta clamantia pro me et pro heredibus meis uel assingnatis rata et stabilis inperpetuum permaneat huic scripto sigillum meum apposui hiis testibus Henrico Oweyn Willelmo le Espicer Thoma Soweyn Andrea de Pirie Ricardo le Espicer Radulfo de Cokeswelle et aliis Dat die Lune in crastino Pasche anno regni regis Edwardi filii regis Henrici uicesimo quarto

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.