Sciant presentes et futuri quod ego Ricardus de Mortone barbator de Oxonia dedi concessi et hac presenti carta mea confirmaui magistro et fratribus hospitalis sancti Iohannis extra portam orientalem Oxonie quandam placeam terre continentem in longitudine uiginti pedes et in latitudine quatuor pedes cum quadam cloaca existente ad caput australe eiusdem placee et cum quadam gutera existente ad caput boriale dicte placee iuxta terram et iacet dicta placea in longitudine inter tenementum magistri Ade Schydyerd ex parte orientali et tenementum predictorum magistri et fratrum ex parte occidentali et ad unum capud australe se extendit usque ad tenementum predicti magistri Ade et ad caput boreale se extendit usque ad terram Gilberti de Grens[ted habend et tenen]dam predictam placeam terre cum predictis cloaca et gutera et cum omnibus aliis suis pertinentiis predictis magistro et fratribus hospitalis predicti libere quiete bene et in pace imperpetuum absque aliquo seruitio inde faciendo Et ego predictus Ricardus et heredes mei predictam placeam terre cum predictis cloaca et gutera et cum omnibus aliis suis pertinentiis predictis magistro et fratribus et eorum successoribus contra omnes gentes warentizabimus imperpetuum et defendemus In cuius rei testimonium huic presenti carte sigillum meum apposui hiis testibus Roberto de Wormenhale tunc maiore Oxonie Philippo de Wormenhale et Cristoforo de Oxonia tunc balliuis eiusdem Philippo de Ow Iohanne de Ow Ricardo le Especer Andrea de Purye Thoma de Henxeye Andrea Culuerd Iohanne le Orfeure Radulfo de Stok[] et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.