Henricus dei gratia Wintoniensis episcopus et sedis apostolice legatus fratri Wigoto priori de Oseneia salutem Justis peticionibus facilem debemus prebere assensum ut fidelium deuotio celerem sortiatur effectum Proinde racionabilibus postulationibus tuis assensum prebentes ecclesiam sancte Marie cui auctore deo prees et omnes ecclesias terras decimas domorum redditus et omnia que hec eadem ecclesia legitime adepta est uel futuris temporibus iustis modis adipisci poterit sub tutela sancti Petri et nostra protegenda suscipimus et presenti scripto confirmando auctoritate officii quo fungimur corroboramus videlicet quicquid Roberti de Oleio erat in Oseneia cum omnibus mansuris quas habuit supra waram que est de molendinis que sunt iuxta castellum Oxenefordie et decimationes de ipsis molendinis et istas ecclesias de terra sua de Cudelentona de Westona de Hochenertona de Cleidona de Scheneston de Cestrenetona infra burgum Oxeneford[] terras quas tenuerunt Ingelri Reimundus Alnotus Godwinus filius Edwacher Ermenoldus Godwinus Nichum Swetingus Cadican Segrimus iuxta murum Henricus Corueiser Leofwinus Claudus Godwinus Monetarius Brihtric Monetarius Godricus Gill[elmus] Radulfus Pistor Leofwinus Bu da Galfridus Molendinarius et duas solidatas redditus quas tenuerat Fromundus Capellanus et decimationem Nicholai de Stodeham infra Hochenertonam liberum seruitium Hugonis Franci de dimidia hida et unam uirgatam terre Etthonam totam cum omnibus ad eam pertinentibus preter molendinum et Speruseiam de dono regis Stephani prebendam lx solidorum de Bensintona xxxiiii de Beintona xxiiii de Hedendona xii solidos et v solidos et v denarios et obolum et quadrantem infra burgum Oxeneford[] de terra illa que dicitur octouirgate regis cum omnibus consuetudinibus ad eam pertinentibus de dono Adelidis regine unam hidam que iacet apud Hanebergam et pertinet ad Stantonam de dono Galfridi Camerarii de Glintona Langeneiam cum omnibus ad eam pertinentibus de dono Roberti Folioth terram de feodo suo que iacet in magno uico Oxeneford[] de dono Hugonis de Tiwa Stanahalam cum omnibus ad eam pertinentibus et terram quam Radulfus filius Siwardi dedit et terram quam Elweua Pulcin dedit Peruasores igitur harum rerum et distractores ante tribunal eterni iudicis dampnandos esse denunciamus et a presenti ecclesia eos sequestramus nisi resipuerint et Cristi patrimonium humili satisfactione reformare studuerint conseruantibus autem pax sit a domino nostro Ihesu Cristo qui cum diues esset pro nobis pauper factus est ut nos sua paupertate ditaret et sua infirmitate sanaret Amen

Source Fulltext: Cartulary of Oseney Abbey. H. E. Salter. Oxford Historical Society, V.89. Oxford Historical Society. Clarendon Press. Oxford. 1929.