Nouerint uniuersi ad quos presens scriptum peruenerit quod ita conuenit inter fratrem Willelmum Abbatem Oseneye et eiusdem loci Conuentum ex parte una et Robertum Blankeneye ex altera uidelicet quod iidem Abbas et Conuentus tradiderunt et dimiserunt ad feodifirmam eidem Roberto unam aream terre et unum stabulum que continent in longitudine decem ulnas regias cum pollicibus et in latitudine quinque ulnas et dimidiam et quarterium cum pollicibus que quidem iacent inter terram dicti Abbatis ex parte boreali et terram Henrici Oweyn ex parte australi et inter terram Ricardi le Barbur a parte occidentali et terram dicti Roberti a parte orientali in parochia sancti Michelis ad portam aquilonarem Oxonie habend et tenend dicto Roberto et heredibus suis ex se carnaliter procreandis libere quiete bene et in pace reddendo annuatim Abbati et Conuentui antedictis tres solidos ad duos anni terminos uidelicet ad festum sancti Michelis octodecim denarios et ad festum beate Marie in Martio octodecim denarios pro omnibus seruitiis et demandis dictos Abbatem et Conuentum contingentibus Et si contigerit dictum Robertum u[el heredes eius] in solutione prefati redditus in parte uel toto aliquo termino deficere licebit procuratori dictorum religiosorum tenementum Roberti predicti et seldam quam habet de dono Symonis filii Rogeri Stefne ingredi namiare et distringere [et predic]tam aream in manus eorundem seysiare donec redditum qui aretro fuerit plenarie receperint et quiete Nec licebit eidem Roberto uel heredibus suis predictam aream seu stabulum alicui uendere uel legare assignare uel aliquo modo obligare quominus predicta area et stabulum si heredem legitimum deesse contigerit domui Osney pacifice reuertatur Prenominati uero Abbas et Conuentus [...] In cuius [...] hiis testibus Nicholao de Kyngestone tunc maiore Oxonie Thoma de Sowy Radulfo le Plumer tunc balliuis eiusdem Henrico Owayn Iohanne Sewy Philippo de Eu Roberto Bodyn et aliis Dat in crastino sancti Dunstani Archiepiscopi anno domini m cc octogesimo tercio

Source Fulltext: Cartulary of Oseney Abbey. H. E. Salter. Oxford Historical Society, V.89. Oxford Historical Society. Clarendon Press. Oxford. 1929.