Hec est finalis concordia facta in curia domini regis apud Westm[] a die sancti Martini in quindecim dies anno regni regis Henrici filii regis Iohannis quinquagesimo quinto coram [...] inter Willelmum abbatem de Oseneye querentem per Robertum Spret positum loco suo ad lucrandum uel perdendum et Thomam de Wyke impedientem de uno mesuagio cum pert in Oxonia unde placitum fuit inter eos in eadem curia scilicet quod predictus Thomas recognovit predictum messuagium cum pert esse ius ipsius abbatis et ecclesie sue de Oseneye ut illud quod idem abbas et ecclesia sua predicta habent de dono predicti Thome Et pro hac recognicione fine et concordia idem abbas concessit predicto Thoma predictum mesuagium cum pert habend et tenend eidem Thome de predicto abbate et successoribus suis et ecclesia sua predicta tota vita ipsius Thome reddendo inde per annum unum denarium ad Pascha pro omni seruicio consuetudine et exaccione ad ipsum abbatem et successores suos et ecclesiam suam predictam pertinente et faciendo inde capitalibus dominis feodi illius pro predicto abbate et successoribus suis et ecclesia sua predicta omnia alia seruicia que ad predictum mesuagium pertinent Et preterea idem abbas ad instanciam predicti Thome concessit pro se et successoribus suis et ecclesia sua predicta quod ipsi decetero inuenient unum canonicum sacerdotem singulis diebus ministrantem in ecclesia beate Marie de Oseneye ad altare sancti Georgii pro animabus Philippi de Eye antecessorum et heredum suorum imperpetuum Et post mortem ipsius Thome predictum mesuagium cum pert integre reuertetur ad predictum abbatem et successores suos et ecclesiam suam predictam quiete de heredibus ipsius Thome tenend de capitalibus dominis feodi illius per seruicia que ad illud mesuagium pertinent imperpetuum

Source Fulltext: Cartulary of Oseney Abbey. H. E. Salter. Oxford Historical Society, V.89. Oxford Historical Society. Clarendon Press. Oxford. 1929.