Nouerint uniuersi quod ego Ricardus de Staunford rector ecclesie Omnium Sanctorum consensu et assensu procuratorum et omnium parochianorum eiusdem dedi et concessi licentiam abbati et Conuentui Oseneye reparandi quendam murum in territorio dicte ecclesie in eadem parochia existente qui quidem murus continet in longitudine duodecim ulnas et extendit se inter terram quondam Rogeri Pompe et terram que fuit Anastasie quam contulit luminari predicte ecclesie ita tamen quod cum dicti abbas et Conuentus murum predictum reparauerint liceat tam abbati et Conuentui quam rectori et procuratoribus parochie dicte ecclesie super eundem murum edificare salua indempnitate utrique parti et erit murus a tempore reparationis communis et expensis communibus sustentabitur Pro hac autem donatione [et] dederunt dicti abbas et Conuentus pre manibus Willelmo de O Iohanni le Barbur Roberto de Swinbrok dicte ecclesie Omnium Sanctorum Oxon tunc temporis procuratoribus quinque solidos in usu ecclesie sepedicte conuersos et nichilominus dicti canonici annuatim ad Pascha ad luminare predicte ecclesie unum denarium in perpetuum soluendum de terra quondam Rogeri Pompe concesserunt et assignauerunt Et ut omnia predicta robur et stabilitatem in perpetuum optineant nomine communitatis totius dicte parochie dictus Willelmus de O Iohannes Barbur Robertus de Swinbroc una mecum sigilla sua necnon et abbas pro se et Conuentu suo huic scripto duplicato sigillum commune eorum alternatim apposuerunt Hiis testibus Ada Feteplace tunc maiore Oxon Iohanne de Coleshulle Rogero Le Sauser tunc balliuis Galfrido de Heigteseye Galfrido Le Mercer Willelmo de Glouernia Waltero de Uptone Roberto de Eton et aliis

Source Fulltext: Cartulary of Oseney Abbey. H. E. Salter. Oxford Historical Society, V.89. Oxford Historical Society. Clarendon Press. Oxford. 1929.