Univ Xpi fid [...] Galfridus aurifaber Galfridus le mercer et Robertus Trenchant burgenses Oxon Salutem in Domino sempiternam Nouerit uniuersitas uestra quod cum lis mota fuisset primo et principaliter inter Henricum [burwald] Clericum executorem testamenti quondam magistri Ricardi Hamond defuncti per Galfridum f Galfridi aurifabri Clericum Oxon Procuratorem suum super quadam summa pecunie uiz xx marcarum occasione cuiusdam aree in Iudaismo Oxon site que olim erat Fratrum Predicatorum Oxon nomine dicti defuncti petitarum coram magistro Willelmo de Medilton iuris ciuilis professore Archidiacono Oxon Commissario auctoritate Ordinarii cognoscente actorem ex parte una et religiosos uiros Pr et Con S F Uirginis Oxon reos ex altera et postea per uiam appellationis tuitore pretextu predicte pecunie in curia Cantuar coram Commissario offitii eiusdem curie sede uacante eedem partes litigassent Tandem communibus amicis interuenientibus dicte lites conquieuerunt in hunc modum uiz quod prefati religiosi nobis G aurifabro et G le mercer soluent prefatam pecuniam excepta i marca quam nos eisdem religiosis remisimus nomine predicti H Barwaldi et Procuratoris sui supradicti terminis subscriptis uiz ad Pascha A G mcclxxii iiii marcas sterlingorum Et ad festum S Iohannis Baptiste proxime sequens eodem anno iii marcas Et in festo S F proxime sequente iii marcas eodem anno Et ad festum Purificationis B Marie anno eodem iii marcas Et ad festum Pasche A G mcclxxiii iii marcas Et ad festum S Iohannis Baptiste eodem anno iii marcas Ita quod nos prefatos religiosos contra quoscunque indempnes [seruabimus] sub ista forma uiz quod si contingat prenominatos religiosos occasione predicte pecunie per magistrum Robertum de Walton Clericum executorem testamenti quondam magistri Iohannis Hamund defuncti ex cuius testimonio dicti religiosi dictam aream sunt consecuti seu per quoscunque alios in iuditium euocari seu alio modo uexari Nos prefatam pecuniam si totaliter fuerit soluta uel alter nostrum dictis religiosis statim nobis facta denuntiatione sub pena xx marcarum domino Regi Anglie soluendarum rata manenti presenti compositione retineamus Et si interim pendentibus antedictis terminis solutionis contingat eosdem religiosos ut predictum est quod absit uexari parte predicte pecunie soluta Nos sub prefata [pena] quod solutum est eisdem religiosis restituemus et nichil amplius de parte dicte pecunie residua soluetur Dampna et expensa si contingat eosdem religiosos occasione illius pecunie per dicti magistri R seu cuiuscumque alterius uexationem facere sustinere uel incurrere sub prefata pena eis totaliter refundemus et satisfaciemus Nos et prefatus Pr nomine suo et Con sui corporali prestitimus sacramentum et eadem omnia et singula per solennem stipulationem obseruare promisimus subitientes nos districtioni et cohertioni domini Archidiaconi Oxon qui pro tempore fuerit qui possit nos sine strepitu iudicali uel alterum nostrum per suspensionis excommunicationis et iuditii sententias ad obseruationem omnium predictorum compellere renuntiando in hiis regie prohibitioni et episcopali domini [innocentii exemptioni] de ii dietis et omni iuris remedio tam canonici quam ciuilis Insuper ego R Trenchant pro Henrico Borewald executore predicto et ego G aurifaber pro G f meo predicti H Procuratore absentibus prestito a nobis super hec sacramento manucepimus et per solempnem stipulationem promisimus sub pena x marcarum rata manente compositione prefatis religiosis soluendarum quod ipsi presentem compositionem ratificabunt In cuius rei testimonium nos prefati G aurifaber G le mercer et R T et etiam predictus Pr nomine suo et Con sui sigilla nostra alternatim huic scripto in modum cirographi confecto apposuimus Et ad maiorem securitatem sigillum domini Archidiaconi Oxon apponi procurauimus Act in Capitulo dictorum religiosorum xi Kal Martii A G mcclxxi

Source Fulltext: The Cartulary of the Monastery of St. Frideswide at Oxford. S. R. Wigram. Oxford Historical Society, V.28. Oxford Historical Society. Clarendon Press. Oxford. 1895.