Hec est conuentio facta inter priorem et conuentum de Longauilla ex una parte et W Linc[] clericum ex altera quod dictus prior et conuentus concesserunt omnes decimas suas dicto W in uilla de Acleia ad firmam tam de assartis quam de ueteribus dominicis in tota uita sua reddendo inde annuatim xxix s viii d procuratori eorum in Anglia existenti uel alii eorum certo nuncio medietatem scilicet ad Penthecosten et aliam medietatem ad Uincula sancti Petri Et si contigerit quod dictus W cessaret in solutione predicti debiti infra mensem alicuius termini pro pena trium solidorum quolibet termino committantur in huius rei testimonium dictus W tactis sacrosanctis euangeliis se dictam compositionem iurauit obseruaturum Ut autem ista dictam conuentio rata et stabilis permaneat prior de Longauilla signum una cum signo predicti W huic scripto apposuit facta fuit hec conuencio anno domini mccxxxvi die martis proxima post dominicam qua cantatur Misercordias domini

Source Fulltext: Newington Longeville Charters. H. E. Salter. Oxfordshire Record Society, V.3. Oxfordshire Record Society. Oxford. 1921.