Nouerint uniuersi presentes litteras inspecturi quod cum atrouersia esset mota inter Hubertum de Conflentia rectorem ecclesie de Stiuel ex una parte et Willelmum Ginneux procuratorem prioris et conuentus de Longauilla ex altera coram decano de Arcubus iudice ex delegatione uenerabilis patris domini Octonis dei gratia sancti Nicolai in Carcere Tulliano diaconi cardinalis apostolice sedis legati super quibusdam decimis quas predictus rector dicebat ad predictam ecclesiam suam pertinere et petebat a predictis priore et conuentu ea ratione quod terre ille ex quibus predicte decime percipiuntur sunt in parochia dicte ecclesie sue scilicet in campo de Lintecota tandem ad talem decreuerunt compositionem uidelicet quod predictus procurator dictorum prioris et conuentus concessit dicto Huberto dictas decimas tenendas et habendas in uita sua reddendo pro ipsis decimis annuatim in festo sancti Michelis priori et conuentui memoratis ii s vi d apud Newenton Acta apud London vii kal Aprilis anno Incarnationis domini mccxxxviii In cuius rei testimonium utraque pars alterius scripto sigillum suum opposuit Hiis testibus

Source Fulltext: Newington Longeville Charters. H. E. Salter. Oxfordshire Record Society, V.3. Oxfordshire Record Society. Oxford. 1921.