Uniuersis sancte matris ecclesie filiis B dei gratia Rouens episcopus et eiusdem loci archidiaconus et decanus de Derdephorde salutem eternam in domino Mandatum domini pape in hec uerba suscepimus [...] Huius igitur auctoritate mandati partibus in presentia nostra constitutis magistro Reginaldo prefato in propria persona et monachis de Longauilla per magistrum Ricardum de Waddon procuratorem datum per litteras speciales monachorum tam ad litigandum quam ad componendum cum dictus magister R duas garbas decimarum de dominico Comitis sancti Pauli in uilla de Dunmawe quas dicti monachi accipere consueuerunt de iure communi ad ecclesiam suam de Dunmawe spectantes a dictis monachis petiisset et iam in ipsa causa usque ad litis contestationem fuisset processum lis amicabiliter inter eos hoc fine conquieuit uidelicet quod dictus magister R de Radenouer et omnes successores sui ecclesie de Dunmawe rectores dictas decimas habebunt et possidebunt in perpetuum reddendo dictis monachis singulis annis pro eisdem decimis dimidiam marcam argenti ad festum sancti Michelis eis uel procuratori suo apud Dunmawwe sub pena dimidie marce quam quidem penam soluere tenebitur si ab ipsis monachis commonitus supradictam dimidiam marcam infra xv dies non satisfecerit et ne ista amicabilis compositio tractu temporis posset in irritum deuocari nos presenti scripto in modum cyrographi confecto sigilla nostra una cum sigillis partium duximus apponenda facta fuit ista compositio anno consecrationis Eustachii Lund episcopi anno v

Source Fulltext: Newington Longeville Charters. H. E. Salter. Oxfordshire Record Society, V.3. Oxfordshire Record Society. Oxford. 1921.