Omnibus sancte matris ecclesie filiis presens scriptum inspecturis diuina miseracione Lond[] ecclesie minister humilis salutem eternam in domino Nouerit uniuersitas uestra nos quamdam amicabilem conposicionem inter monachos de Longauilla et magistrum Reginaldum rectorem ecclesie de Magna Dunmaw nomine ecclesie sue coram uenerabili fratre nostro B dei gracia Roff[] episcopo et coniudicibus suis a sede apostolica delegatis super quibusdam decimis quas dicti monachi in parrochia de Dunmaw percipere consueuerunt initam inspexisse Ex cuius tenore perpendimus quod prefatus magister R et successores sui rectores ecclesie du Dunmaw dictas decimas habebunt in perpetuum et pacifice possidebunt reddendo prenominatis monachis singulis annis pro eisdem decimis unam dimidiam marcam argenti uel eorum procuratori ad festum sancti Michaelis apud Dunmawe Et quia uolumus quod hec amicabilis composicio rata futuris temporibus permaneat et inconcussa eam episcopali qua fungimur auctoritate duximus confirmandam In cuius rei testimonium sigilli nostri apposicione presens scriptum roborauimus hiis testibus domino Philippo de Faucumb[] archidiacono Huntengd[] Ricardo de Berking[] Dauid de Thok[] Ricardo Hak[] Bartholomeo clericis et aliis Dat[] apud Strandam die Ueneris proxima post festum sancti Luce euangeliste pontificatus nostri anno sexto

Source Fulltext: Newington Longeville Charters. H. E. Salter. Oxfordshire Record Society, V.3. Oxfordshire Record Society. Oxford. 1921.