W archidiaconus Linc[] dilectis sibi in Christo vniuersis [...] decanis per archidiaconatum Linc[] constitutis salutem in omnium saluatore Litteras religiosi viri domini [...] dei gracia abbatis de Bardeneye executoris in hac parte mandati apostolici deputati nuper recepimus et inspecsimus sub hac forma uerborum [...] Permissione diuina abbas monasterii de Bardeneye et cetera ut proximo supra Nos itaque uolentes reuerenter ut tenemur executorii antedicti mandatis immo veracius apostolicis in hac parte parerere ac premissa eo libencius prosequi cum effectu quo reuerendam matricem ecclesiam nostram prefatam cui ex affectu pecculiariter tenemur astricti contingere dinoscuntur vobis in uirtute obediencie nec non sub pena canonice districcionis firmiter iniungimus et mandamus quatinus diligenter inspecto huius mandati tenore et eciam plenius intellecto vnusquisque vestrum quatenus ad ipsum pertinet in hac parte omnia et singula in eodem mandato contenta iuxta formam et tenorem ipsius vice nostra et auctoritate predicta adhibitis super hoc omnimoda diligencia et fauore demandet siue faciat execucionem debite demandari Et quid exinde feceritis nobis citra festum Omnium Sanctorum superius annotatum distinctius et apercius intimetis per vestras patentes litteras harum seriem continentes Valete Dat[] apud Coringham xv kalendas Augusti anno domini m cc octogesimo sexto

Source Fulltext: The Registrum Antiquissimum of the Cathedral Church of Lincoln. C. W. Foster. Lincoln Record Society, V.27. Lincoln Record Society. Hereford Times. Hereford. 1931.