Anno dominice incarnationis m c quarto in dictione duodena tertio nonarum Nouembris Quedam uidua nomine Iuga soror Radulfi Bainardi maioris fecit mauricium Londoniensem episcopum dedicare ecclesiam in uilla que [ab nobis] dicitur minor Dunmawe in honore sancte Marie Cui ecclesie predicta mulier illo die dedicationis in eadem uilla dimidiam hidam terre liberam ab omni seculari seruicio cum decima de propriis carucis ac totius uille dedit Facta est autem hec donatio coram predicto episcopo mauricio et clericis eius omnibusque qui dedicationi illi aderant presente et annuente Willelmo Baynardo sub quo illa domina predictam uillam tenebat et concedente Radulpho Bainardo eiusdem domine filio In cuius iure hereditario eadem uilla tunc erat Ecclesia uero illa ita dedicata cuidam clerico nomine Bristrico ita libere commissa atque concessa est ut excluso omni secularis seruicii impedimento soli deo deuota mente seruiret omnesque qui ad seruiendum ecclesie predicte illi clerico succederent Huius donationis hii sunt testes Mauricius episcopus Robertus archidiaconis Hamo presbyter capelle et cetera Ego autem Mauricius episcopus hanc donationem litteris confirmaui et sigillo meo corroboraui Si quis uero illam quod absit soluere uel minuere uel quoquomodo infringere presumpserit quo iratus dominus animas hominum percutit duro anathemate feriatur Amen

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.