Sciant presentes et futuri Quod Ego Nicholaus filius et heres Galfridi de franxio de magna dunmawe concessi sursum reddidi remisi et omnino in perpetuum quietum clamaui pro salute anime mee antecessorum et successorum meorum pro me et heredibus meis et assignatis meis quibuscunque deo et ecclesie beate marie de dunmawe et eiusdem priori et conuentui dominis meis illius feodi totum ius et clamium quod habui uel aliquo modo habere potui in toto tenemento cum omnibus suis pertinentiis quod fuit predicti Galfridi patris mei in parochia de magna dunmawe sine aliquo retenemento mei heredum et assignatorum meorum in perpetuum habend et tenend totum predictum tenementum cum mesuagiis edificiis terris uiis semitis pratis pascuis pasturis sepibus fossatis redditu homagiis seruiciis releuiis escaetis herietis wardis et cum omnibus aliis suis pertinentiis nominatis et non nominatis dicto tenemento aliquo modo spectantibus predictis ecclesie et conuentui et eorum successoribus in liberam puram et perpetuam elemosinam libere quiete bene et in pace integre plenarie pacifice honorifice jure hereditario absque reclamatione mei heredis et assignatorum meorum in perpetuum Ita quod Ego predictus Nicholaus heredes nec assignati mei nec aliquis pro nos uel pro nobis nomine nostro in toto predicto tenemento cum omnibus suis pertinentiis nominatis et non nominatis predicto tenemento pertinentibus sicut supradictum est nichil iuris uel clamij de cetero exigere clamare uel calumpniam imponere seu placitum mouere uel uendicare poterimus in perpetuum Et ut hec mea concessio sursum redditio remissio et tocius iuris mei heredum et assignatorum quieta clamatio rata sit et stabilis in perpetuum presenti carte sigillum meum apposui die sabbati proxima ante festum sancti Nicholai anno domini m cc lxx tercio

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.