Omnibus Christi fidelibus presens scriptum uisuris uel audituris Robertus filius Eue dictus specy de alta roinge et Johanna uxor eiusdem salutem in domino sempiternam Noueritis nos teneri et tenore presencium obligamus nos sub pena centum solidorum Regi anglie soluendorum quod in nobis est sumptibus priorem et conuentum de dunmawe cum ab eisdem interpellati fuerimus facere leuare finem in Curia domini regis sub quadam aquietancia inter nos facta de terra quam ego dictus Robertus accepi de Ricardo piscore de Dunmawe cum dicta Johanna in liberum maritagium uxore mea et filia sua Et si remissi uel negligenter uel malicia uoluntate contraire presumpserimus uolumus quod uice comitatus Essexie nos distringat et pro districtione sua habeat v solidos ad opus suum donec dictis finis leuetur Nichilominus ad predictum obseruandum et ne de cetero aliquid iuris uel clamii in predicta terra uendicare poterimus super magno altari beate uirginis prestitimus In cuius rei testimonium presenti scripto sigilla nostra apposuimus Datum apud dunmawe die proxima ante festum purificationis beate uirginis Anno domini m cc septuagesimo tercio

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.