Uniuersis Christi fidelibus presens scriptum uisuris uel audituris g[alfridus] prior de dunmawe et eiusdem loci conuentus salutem in domino sempiternam Nouerit uniuersitas uestra nos de assensu Walteri de salinge Wicari Ricardi de Eusend et Johanne uxoris sue de speciali gratia concessisse quod in oratorio suo in curia ipsorum in parochia de salinge sito propriis ipsorum omnimodis sumptibus horas canonicas et diuina quando uoluerint faciant celebrari excepta die dedicationis matris ecclesie in qua matricem ecclesiam uisitabunt Cappellanum uero in predicto oratorio ministraturum facient per sacramentum suum de indempnitate matricis ecclesie cauere et quod omnis prouentus eiusdem oratorii et ouentiones et oblationes quocumque nomine censeantur uicarium predicte ecclesie restituet sine diminutione presenti speciali gratia per obitum predicte Johanne minime duratura scilicet predicto oratorio a diuinorum celebratione preterquam in festo sancti Nicholai ut prius manente suspenso Ut autem matricis ecclesie indempnitati securius consulatur concesserunt predicti Ricardus et Johanna ut in omnibus terris suis in predicta parochia de quibus decime dabantur de fructibus stantibus in agro pro mensura terre de cetero dentur post collectionem in garbis secundum consuetudinem patrie Concedunt eciam quod predictus Walterus uicarius et successores sui habeant et teneant unam acram terre sue scilicet illam que iacet iuxta terram Johannis de cruce ad uitam predicte Johanne Nos atque concessimus et promisimus quod cum Willelmus eiusdem tenementi heres ad legitimam etatem peruenerit et cartam feoffamenti de predicta acra predicto uicario et successoribus suis fecit et omnes donationes ab antecessoribus suis ecclesie nostre sanctas confirmauit quod utique se securum tactis sacrosanctis iurauit eandem gratiam cantarie concedemus in predicto oratorio eidem et scriptis attencius communiemus sibi et heredibus suis perpetuis temporibus duraturam In quorum omnium securitatem et testimonium presenti scripto inter nos et predictos Ricardum et Johannam partito sigillum nostrum una cum sigillis ipsorum et predicti uicarii apposuimus Hiis testibus etc

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.