Cum lis inter uiros religiosos priorem et conuentum de dunmawe Londoniensis Diocesis actores ex parte una et priorem et conuentum de Stoke Norwici Diocesis ex altera coram magistro ricardo de stratfoed gerente uices custodis episcopatus Londoniensis auctoritate ordiaria cognoscente super spoliatione maiorum decimarum proueniencium de duabus acris et dimidia in campo qui uocatur Joneslond in parochia de magna Salinge et super decimam prouenientem de campo qui uocatur passefeld in eadem parochia agitata fuisset inter partes conuenit anno gratie m cc septuagesimo secundo die dominica proxima ante ramos palmarum pro bono pacis sub forma inferius notata uidelicet quod uidelicet memorati uiri religiosi Prior et conuentus de Stokes dederunt concesserunt et quietum clamauerunt pro se et successoribus suis predictis priori et conuentui de dunmawe et eorum successoribus totum jus et clamium quod habuerunt uel aliquo modo habere potuerunt in maioribus decimis prouenientibus de campo qui uocatur Joneslonde sine aliqua contradictione cuiusquam in perpetuum Et predicti prior et conuentus de dunmawe dederunt concesserunt et quietum clamauerunt pro se et successoribus dictis priori de Stokes et eorum successoribus totum ius et clamium quod habuerunt uel aliquo modo habere potuerunt in maioribus decimis et prouenientibus de campo qui uocatur passefeld sine aliqua contradictione cuiusquam inperpetuum Ad omnia predicta et singula obseruanda partes prelibate sub pena Quadraginta solidorum parti non seruanti fabrice sancti pauli Londoniensis pro equali portione soluendorum se obligarent In cuius rei testimonium presentibus litteris ad modum cirografi confectis alternatim sigilla capitulorum suorum communia apposuerunt Datum anno et die supradictis

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.