Omnibus Christi fidelibus ad quos presens scriptum peruenerit iohannes [percehayne] de pentelawe salutem in domino Nouerit uniuersitas uestra quod cum orta est contentio inter uiros religiosos priorem et conuentum de dunmawe per Henricum de reynes parua clericum religiosorum dictorum attornatum ex parte una et me ex altera per rogerum de pentelawe clericum super arreragium xi annum xii denariorum annui redditus de i acra terre quam de eis teneo in parochia de pentelawe iacente in campo qui uocatur Godemannescroft coram domino Ricardo de Goseford tunc decanus domino Willelmo de clare uicario Willelmo de Wanteford clerico domino Waltero uicario de poslingewurde apud clare dominica proxima in festo sancti Barnabe apostoli anno domini m cc lxx tertio partes sub hac forma conquieuerunt quod ego predictus johannes heredes mei et assignati et quicumque de cetero illam acram terre tenebunt dictis religiosis xii denarios annuatim ad pascha et ad festum sancti Michaelis proportionaliter persoluemus ac persoluent in perpetuum et hec tenore presencium profitemur Et si quomodo contrauenerimus quod absit quod dicti religiosi in dictam acram terre cum pertinentiis liberam habeant ingressum administrationem et pro libita uoluntate eorundem exinde disponant absque reclamatione mei heredum et assignatorum meorum seu aliorum Hec autem feci uoluntate et assensu Emme uxoris mee In cuius rei testimonium presentibus sigillum meum apposui die et anno supradictis

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.