Theobaldo dei gratia Cantuariensi archiepiscopo et omnibus sancte matris ecclesie filiis Walterus filius Roberti salutem Notum sit tam presentibus quam futuris quod Ego Walterus filius Roberti dedi et concessi et hac presenti carta mea confirmaui deo et ecclesie sanctem marie de dunmawe et canonicis ibidem deo seruientibus ius aduocationis ecclesie de Burnham et ipsam eandem ecclesiam in perpetuam et liberam elemosinam pro dei dilectione et salute anime mee et omnium amicorum et parentum meorum nec non et pro anima Comitis Gilleberti de clara cognati mei Hanc donationem feci ego Walterus consilio et amonicione et assensu Ricardi Londoniensis episcopi cuius diocesi predicta ecclesia de Burnham adiacet predicto Episcopo hanc meam donationem annuante et confirmante anno dominice incarnationis m c lv tempore Regis stephani Quare uolo ut iam dicti canonici habeant predictam ecclesiam libere et quiete honorifice et integre cum terris et decimis et omnibus rebus ad illam pertinentibus sicut unquam aliqua persona liberius uel plenius illam tenuit liberam ab omni seculari exactione et omnibus rebus ad laicam personam pertinentibus Teste Ricardo episcopo etc

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.