Ricardo dei gratia Cantuariensi archiepiscopo et Johanni eadem dei gratia Norwicensi Episcopo et uniuersis sancte matris ecclesie filiis et omnibus hominibus et amicis suis francis et anglicis tam presentibus quam futuris Walterus filius Roberti Salutem Cum noticie uestre notum sit me dedisse et concessisse et hac presenti carta mea confirmasse deo et ecclesie beate marie de dunmawe et canonicis ibidem deo et eius genitrici seruientibus ecclesiam de Hemmenhale et ecclesiam de poslingewrde in perpetuam et liberam elemosinam pro salute mea et uxoris mee et puerorum meorum et amicorum et pro anima roberti filii ricardi patris mei et mathilde matris mee et pro animabus puerorum meorum Has predictas ecclesias optuli ego super altare in eadem ecclesia Anno ab incarnatione domini nostri m c lxx septimo Quare uolo ut predicta ecclesia et canonici eiusdem [eiusdem] ecclesie habeant et teneant prenominatas ecclesias libere et quiete honorifice et plene cum omnibus pertinentiis suis in terris et decimis scilicet denotetur quod ego retineo in manu mea partem meam de ecclesia de fretune et capellam sancti andree predictas autem ecclesias de Hemenhale et de Poslinunrde teneant predicti canonici iure perpetuo liberas ab omni exactione et omnibus rebus ad laicam personam pertinentibus Teste etc

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.