Sciant presentes et futuri quod Ego Rois de Boilund concessi et hac presenti carta mea confirmaui Hugoni de Reines clerico et cui dare legare uel assignare uoluerit donationem quam Thomas fluri uir meus ei fecit de v acris terre et dimidia in uilla de torp quod uocatur Boilundwong et iacet inter terram radulfi de tasseburg et terram alani Hardegrei et unum caput abutat super pasturam roberti de Hulestine uersus occidentem et aliud caput super terram Willelmi de ambli que uocatur longelud uersus orientem tenend et habend de predicto thoma et heredibus suis libere et quiete et hereditarie illi et assignatis suis et heredibus eorum Reddendo mihi annuatim vi denarios de censa pro omni seruicio et consuetudine et exactione saluo seruicio domini regis scilicet ad xx solidos de scutagio iij denarios et ad plus plus et ad minus minus Ad hoc autem quod premissum est et fideliter et sine dolo obseruandum ego Roys crucem corporaliter prestiti et cartis sacrosanctis euangeliis mera uoluntate iuraui et si forte contigerit quod dictis auertat quod contra fidem aliquo tempore uenero dabo episcopo Norwici qui tunc temporis erit xx solidos nomine pene et sepedicto Hugoni clerico uel eius assignatis v marcas argenti eodem nomine antequam litteram contra me ingrediantur Renunciando exceptioni cauillationi priuilegio fori et maxime regie prohibitioni subiciendo me domini Norwicensis officio qui pro tempore fuerit ut possit me per censuram ecclesiasticam impetrationibus postpositis ad permissa obseruanda compellere Actum in ecclesia de Hemenhale die lune proxima post dominicam qua cantatur Sicientes Anno pontificali domini Thome Norwycensis episcopi quinto

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.