Sciant presentes et futuri quod Ego Robertus curpeil dedi concessi et hac presenti carta mea confirmaui Thome priori et conuentui Canonicorum de dunmawe et successoribus eorum totam terram quam habui in uilla de hemenhale cum omnibus pertinenciis suis cum homagiis releuijs redditibus et omnibus ad predictam terram pertinentibus habend et tenend de me et de heredibus meis sibi et successoribus suis Reddendo inde annuatim nobis vi solidos ad ij terminos anni scilicet iij solidos ad festum sancti michaelis et iij solidos ad pascha pro omni seruicio exactione et demanda saluo seruicio domini regis quod predicti prior et conuentus reddent domino roberto filio walteri et heredibus suis uidelicet ad scutagium domini regis tertiam partem quarte partis unius militis Ego uero robertus et heredes mei Warantizabimus predictis priori et conuentui et successoribus eorum predictam terram cum omnibus pertinentiis suis per predictum seruicium contra omnes gentes Et ut hec mea donatio concessio et huius carte mee confirmatio rate sint et stabiles et in perpetuum inconcusse permaneant presenti cartam sigillo meo roboraui Pro hac autem donatione concessione et presentis carte mee confirmatione dederunt michi sepedicti prior et conuentus Quadraginta libras sterlingorum in Gersummam Factum autem fuit hoc scriptum anno ab incarnatione domini m cc xxx quinto die scilicet apostolorum petri et pauli Hiis testibus etc

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.