Reginaldus filius Gileberti de poselingewrth omnibus parentibus et amicis suis francis et anglicis et omnibus sancte matris ecclesie filiis Salutem Notum sit uobis omnibus me dedisse et concessisse et carta mea confirmasse ecclesie sancte marie de dunmawe et Canonicis ibidem deo seruientibus in perpetuam elemosinam ecclesias que sunt de feudo meo in uilla de Bertune et de Buketune post decessum Herlwiui et Heruij qui predictas tenent ecclesias pro anima domini roberti filii ricardi et pro anima patris mei gilberti et matris mee Holdeburk et pro anima mathilde sponse mee et pro anima thome de londonia et johannis nepotis eius et pro animabus omnium parentum et amicorum meorum nec non et pro domino Waltero filio roberti et pro me ipso et pro ceteris amicis meis uiuis siue defunctis Has ecclesias dedi et concessi in pleno fratrum capitulo et cum carta mea deo et sancte marie super altare optuli die apostolorum symonis et iude anno quo mortuus est nigellus Heliensis episcopus Ad hanc cartam confirmandam hii sunt testes

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.