Huistacius miles de Niwelande omnibus suis amicis gallicis et anglicis et ceteris tam presentibus quam futuris Salutem Omnibus uobis notissimum sit et certissimum me dedisse et concedisse et carta mea confirmasse unam acram terre et dimidiam inter terram hospitalium et acram et dimidiam quam dedi ecclesie Blakemore sancte marie et ecclesie caritatiue de dunmawe in elemosina et eiusdem ecclesie humili conuentui pro anima patris et matris mee et utriusque parentum libere et quiete et sine omni calumpnia et seruicio et hanc elemosinam concessi in capitulo coram fratribus et eorumdem domino fratrum priore nomine augustino in proxima sequenti dominica assumptionis dei genitricis post mortem domini nigelli Heliensis episcopi pro animabus predicessorum parentum et mea anima et anima mee uxoris Emme et mei heredis radulfi uel alterius et hanc elemosinam predicte ecclesie datam concessit predictus eustacius et sua uxor et sui heredes Hiis testibus etc

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.