Herebertus Dei gratia abbas Ramesensis ecclesiae filiis fidei catholicae Volo vos scire et veritati testimonium dare quod Willelmo Pecche damus fraternitatem nostri et nostrae congregationis et concedimus ut sub sua custodia habeat terram de Ofra ad proficuum sum et nostrum sub hac conditione ut ad praesens solvat nobis marcam auri pro nostra concessione et singulis deinceps annis sex libras denariorum pro usufructuario terrae et locum sepulturae habeat post decessum vitae suae in cymiterio ecclesiae Sancti Benedicti et centum solidi dentur de suo proprio ad ipsam ecclesiam pro anima ejus vel marca auri Uxor vero ejus quam hodie habet scilicet Alffwen si supervixerit ei tenebit ipsam terram in vita sua sub hac eadem conditione scilicet post decessum vitae ejus recedet in manum abbatis sive mei ipsius sive successoris mei absque ulla calumnia et obloquio et tam bene vestita ut fuerit in die qua ipsam Alfwen mortalis infirmitas praeoccupaverit Testimonio nostri et totius congregationis et Rodulfi et Ansgeri capellanorum Regis Willelmi junioris et Alfgari Praepositi et Turkilli Dapiferi et Folquini Actum Rameseiae anno Domini millesimo octogesimo octavo indictione undecima decima quinta kalendas Julii

Source Fulltext: Cartularium monasterii de Rameseia. W. H. Hart and P. A. Lyons. Rerum Britannicarum Medii Aevi Scriptores, 79. Kraus. Nendeln. 1965.