Henricus rex Anglorum episcopo Lincolniae et justiciariis et vicecomitibus et baronibus et omnibus fidelibus suis Francis et Anglis de Huntedoneschira salutem Sciatis me concessisse Deo et ecclesiae Sancti Benedicti de Rameseia et abbati et monachis suis in perpetuam elemosinam manerium de Waltone cum omnibus ejus appendiciis in terris et bosco et mariscis et omnibus aliis rebus sicut Albreda quae fuit uxor Eustachii de Scellea cujus hoc manerium hereditas fuit eis illud dedit et concessit et sicut Walterus de Bolebech dominus feoudi illius cum ipsa Albreda hoc coram me concessit Quare volo et firmiter praecipio quod ecclesia praedicta et abbas et monachi teneat nunc et usque in sempiternum praedictum manerium cum omnibus quae illi pertinent in bosco in plano in pratis et pasturis in aqua et extra in mariseis in via in semitis in omnibus rebus cum soca et saca et thol et theam et infangenetheof cum omnibus libertatibus et consuetudinibus terrae illi pertinentibus cum quibus aliquis illud melius et quietius tenuit Et amodo sit in protectione mea sicut aliae terrae ipsius abbatiae quae est elemosina mea Testibus [brienno] filio comitis et Milone Gloecestriae et R[icardo] de Curci et A[lberico] de Ver et Eustachio filio Johannis apud Wyntoniam

Source Fulltext: Cartularium monasterii de Rameseia. W. H. Hart and P. A. Lyons. Rerum Britannicarum Medii Aevi Scriptores, 79. Kraus. Nendeln. 1965.