Convenit ita inter venerabilem patrem dominium Willelmum Elyensem episcopum ex una parte et Hugonem abbatem Rameseiae ex altera super contentionibus inter eos motis de marisco qui se extendit de Pollinges usque Kechaldre et inde usque Smalaldre et inde usque Echwerebyth linealiter scilicet quod praedicti episcopus et abbas concesserunt quod per sacramentum quatuor legalium hominum ex parte ipsius episcopi eligendorum et per sacramentum quatuor legalium hominum ex parte abbatis eligendorum totus praedictus mariscus dividatur in duas medietates qualies Et cum divisus fuerit praedictus mariscus illa tota medietas quae jacet versus Benewyk ex una parte de Weremere et similiter versus Echwerebyth ex altera parte marae praedictae quite inperpetuum permaneat praedicto episcopo et successoribus suis et ecclesiae suae de Ely Et alia medietas quae jacet versus Rameseiam remaneat ipsi abbati et successoribus suis et ecclesiae suae de Rameseia quiete inperpetuum Ita tamen quod quicquid praedictus abbas bona fide dixerit et juraverit quod clarum fuerit et proprium tempore contentionis motae primum de praedicto marisco remaneat ipsi episcopo simul cum polis et piscariis ipsius episcopi absque hoc quod idem abbas vel successores sui aliquid inde habeant Praeterea convenit inter partes praedictas quod si aliquid fuerit occupatum in marisco de Crowelodemore a tempore contentionis motae super praedicto marisco de Pollinges inter praefatas ecclesias Elyensem et Ramesiensem emendetur et in pristinum statum reducatur per senescallos praedictorum episcopi et abbatis et per visum et considerationem proborum et legalium hominum et omnes transgressiones occasione praedictae contentionis hinc inde perpetratas praedicti senescalli similiter corrigant et emendent Ad istas autem conventionem et divisionem faciendas et omnia alia secundum praedictam formam adimplenda per communem assensum praedictorum episcopi et abbatis statutus est dies apud Benewyk a die Nativitatis Beati Johannis Baptistae in tres septimanas nisi citeriori tempore de consensu utriusque partis dictum negotium competenter secundum quod praenotatum est poterit expediri Et interim neque dictus episcopus neque abbas neque eorum homines in memorato marisco de Pollynges falcabunt nec aliquid inde asportabunt nec manum apponent ad eundem Insuper praefatus episcopus diligentem curam apponet bona fide quod prior et conventus Elyensis hanc conventionem confirmabunt Et si proficere non poterit ratificabitur per cyrographum in curia domini regis Et abbas simili modo faciet Item dictus episcopus vel homines sui aliqui nihil exigere poterunt de caetero in marisco de Wardeboys praeterquam communam pasturae tantum in pascendo similiter neque dictus abbas nec homines sui aliquid in marisco de Sumersham nisi communam pasturae tentum in pascendo In cujus rei testimonium parti presentis scripti in modum cyrographi confecti penes dominum Elyensem residenti dictus abbas signum suum una cum signis domini Johannis de Cridkhale archidiaconi Bedefordiensis et magistri Rogeri de Raveningham Archidiaconi Hutingdoniensis fecit apponi alteri vero parti penes dictum abbatem residenti dominus Elyensis signum suum una cum signis domini Egidii de Archentem et magistri Henrici de Kilkenni fecit apponi Actum vigilia Sanctae Trinitatis anno gratiae millesimo ducentesimo quinquagesimo sexto Interlineare Pollynges bis ponitur de consensu partium

Source Fulltext: Cartularium monasterii de Rameseia. W. H. Hart and P. A. Lyons. Rerum Britannicarum Medii Aevi Scriptores, 79. Kraus. Nendeln. 1965.