Henricus Rex Anglorum archiepiscopis episcopis abbatibus comitibus justiciariis vicecomitibus baronibus et omnibus ministris et fidelibus suis Francis et Anglis clericis et laycis totius Angliae salutem Sciatis me concessisse Reinaldo Abbati de Rameseia et confirmasse ipsi et ecclesiae suae et monachis suis omnes terras et ecclesias et decimas et omnimodas possessiones eidem abbatiae pertinentes et nominatim feriam suam ad Sanctum Ivonem de Slepe et Claclosehundredum et dimidium cum omnibus libertatibus et consuetudinibus ei pertinentibus et marcatum suum de Dunham et socam de Huntedonia et terras suas Londoniae et omnes alias terras et tenuras suas de quocunque eas habeant sicut ecclesia Sancti Benedicti de Rameseia melius ea habuit in aliquo tempore Volo itaque et firmiter praecipio quod abbas et ecclesia sua et monachi sui bene et in pace et honorifice et libere et quiete teneant in bosco et plano et pratis et pascuis et aquis et mariscis et molendinis in wrec maris in mari et littore in vivariis et piscariis et exclusis et stagnis et virgultis et curtilagiis in civitate et extra infra burgum et extra in mercatis et feriis in via et semitis et exitibus et in omnibus locis cum soca et saca et thol et theam et infangenetheof in quocunque hundredo terras habeant Et omnia sua sint libera ab omni regia consuetudine et ab omni collectione census quae geld vel scot vel Denegeld Anglice nominatur Insuper etiam quietos eos clamo ab omnibus placitis et querelis et schyris et hundredis et ab omnibus rebus et occasionibus et ab omni castelli seu quocunque opere servili et legibus et consuetudinibus quae ad me pertinent sicuti ecclesia supradicta umquam aliquo tempore melius et liberius et quietius tenuit tempore patris mei et fratris mei et meo et sicut cartae antiquorum regum praedecessorum meorum et patris mei et meae quas habet dicta ecclesia plenius attestantur Praeterea leugata terrae suae circa abbatiam suam ita sit quieta et libera ab omni episcopali et seculari potestate sicut unquam quietior fuit aliquo tempore praedecessorum meorum regum Angliae quae leugata extendit se usque ad monticulum desuper Wystowe et vadit per mediam villam de Wystowe attingens Raveleiam usque in mariscum Testibus h[ugone] Archiepiscopo Rotomagensi g[alfrido] cancellario b[rien] filio Comitis g[alfrido] de Clinton g[alfrido] filio Pagani w[illelmo] de Albeni le Bretun w[illelmo] de Tancherville w[illelmo] Peverel Hamone Dapifero et multis aliis apud Rotomagum

Source Fulltext: Cartularium monasterii de Rameseia. W. H. Hart and P. A. Lyons. Rerum Britannicarum Medii Aevi Scriptores, 79. Kraus. Nendeln. 1965.