Die Mercurii in vigilia Sancti Andreae Apostoli anno Domini millesimo trecentesimo septimo convenit inter dominum Johannem Dei gratia Abbatem Rameseiae et conventum ejusdem loci ex parte una et Rogerum de Nortone ex altera scilicet quod praedicti Abbas et conventus concesserunt pro se et successoribus suis et praesenti scripto confirmaverunt pro quadam summa pecuniae quam idem Rogerus eis dedit prae manibus quod dictus Rogerus habeat medietatem omnimodorum bladorum crescentium super terram quondam praedicti Rogeri in Houghtone et Wytthone quamdiu idem Rogerus vixerit Et praedicti Abbas et conventus et successores sui arare seminare metare colligere et ligare facient omnimoda blada praedicta ad custus suos proprios Et similiter quod praedictus Rogerus habeat medietatem totius feni crescentis super pratum quondam praedicti Rogeri in Houghtone et Wyttone post falcationem et adunationem factam per ipsos Abbatem et conventum et successores suos quamdiu idem Rogerus vixerit Et similiter quod executores vel assignati ipsius Rogeri in autumno proximo sequenti post mortem ipsius Rogeri licite et sine impedimento recipiant et habeant totam medietatem omnimodorum bladorum si quae prius seminata fuerunt ante mortem praedicti Rogeri super terram quondam ipsius Rogeri et similiter medietatem totius feni de eodem anno Et similiter quod iidem dominus Abbas et conventus et successores sui debeant arare et seminare omnimodas terras praedictas tempore opportuno et eas compostare de propriis fimis sicut fieri solebant et totum praedictum pratum quondam praedicti Rogeri falcare et adunare per consilium ipsius Rogeri tempore opportuno et non per animalia devastare nec depasci ante falcationem et adunationem nec antequam praedictus Rogerus medietatem inde recepit ut praedictum est Et similiter quod praedictus Rogerus habebit totum gardinum cum columbare ad terminum vitae ipsius Rogeri quod quidem gardinum cum columbare praedicti Abbas et conventus habent ex dono et feoffamento ipsius Rogeri Et quod idem Rogerus nullo modo debeat calumniari de vasto et destructione quae faciet in praedicto gardino seu columbare Post decessum vero praedicti Rogeri sine aliqua contradictione heredum ipsius Rogeri totum praedictum gardinum cum columbare eisdem Abbati et conventui et successoribus suis plenarie revertetur tenend sibi et heredibus suis imperpetuum In cujus rei testimonium huic praesenti scripto ad modum cyrographi confecto tam praedicti Abbas et conventus quam praedictus Rogerus sigilla sua alternatim apposuerunt

Source Fulltext: Cartularium monasterii de Rameseia. W. H. Hart and P. A. Lyons. Rerum Britannicarum Medii Aevi Scriptores, 79. Kraus. Nendeln. 1965.