Contigit postea quod predictus Rogerus et duo filii ejus ad sua magna et ardua negotia faciendum ccc marcas argenti a nobis mutuaverunt scilicet a festo Sancti Andree Apostoli anno gracie mclxx secundo per quoddam scriptum cyrographatum nunc dampnatum [com]posuerunt et dimiserunt nobis in vadimonium quandam partem foreste sue de Nidderdale per certas metas et divisas in cyrographo nominatas scilicet tali conditione quod quolibet anno decem annorum decideret una dimidia marca de predictis ccc marcis pro firma scilicet ejusdem pasture et finitis decem annis prenominatis Rogerus et filii ejus persolverent nobis prenominatas ccc marcas exceptis tantum quinque marcis allocatis pro firma ejusdem pasture et recipient libere et quiete suam pasturam preter illam pasturam ad lxxx equas quam Rogerus et filii ejus prius dederant que nobis deberet remanere Et si Rogerus et filii ejus non persolvissent nobis predictas ccc marcasquinque tantum marcas [...] post decem annos tota predicta pastura remaneret nobis [...] de anno in annum donec totam [...] Rogero vel filiis ejus recuper [...] marca quolibet [...] cidente de dictis ccc marcis pro firma ejusdem pasture Et sciendum quod cum decem anni prenominati integre et plenarie fuissent completi nulla omnino solutio pecunie memorate per predictos Rogerum vel filios ejus nobis facta fuit preter firmam annualem Et sic predicta pastura remansit nobis per spacium circiter viginti duorum annorum post decem annos completos scilicet usque ad tempus domini Willelmi filii Nigelli de Molbray

Source Fulltext: Charters of the Honour of Mowbray, 1107-1191. D. E. Greenway. Records of Social and Economic History, New Series 1. British Academy. Oxford University Press. London. 1972.