Notum sit omnibus legentibus et audientibus litteras istas hanc esse conuentionem inter ecclesiam de Font[] et dominum Rogerium de Molb[] quod si aliquando contigerit ut quoquomodo aliquam partem perdant de eo quod in foresta dedit eis in proprium pro communi quo uti solebant et pro aliqua calumpnia seu molestia seua donatione sicut in carta sua continetur libere uti non poterint si guarentizare non poterit capitulum de Beel[] sine offensione ipsius Rogerii et heredum suorum reddet fratribus Fontanensibus cartam priorem quam sub hac conditione conseruandam acceperunt et ipsi fratres de Font[] utentur aisiamentis foreste de Niderd[] sicut in eadem carta continetur donec suam excambionem habeant et recepta excambione iterum cartam reponent in Beel[] Edificia ibi non facient nisi per ipsum Rog[erium] preter logias et faldas ad custodienda animalia Et hoc sciendum quod pro predicta donatione ecclesia de Font[] dedit Rogerio in adiutorium itineris sui Ierosol[] c xx marcas et filio suo Nigello x marcas pro assensu et Rob[erto] filio suo i marcam Hoc etiam statutum est inter eos quod seruientes de Dacra securitatem facient fide uel iuramento fratribus eiusdem loci quod de feris non capient eiusdem foreste uel de auibus quas in carta sua dominus Rog[erius] sibi retinuit et si quis deprehensus fuerit monachi de eo rectum facient prout capitulum Eborac[i] decreuerit t[estes] capitulum Ebor[] Gauf[ridus] prior Ebor[] Phil[ippus] prior Sancte Trinitatis Ebor[] magister Suanus de hospit[ali] Will[elmus] Tillemer Nig[ellus] filius Rog[erii] Rog[erius] de C[]di dapifer Hugo Maleb[] Rad[ulfus] de Bellun Galt[erus] de Karlet[] Rob[ertus] de Busci War[inus] filius Symonis Johannes de Creuequer Rad[ulfus] de Beeluer Rob[ertus] filius Godric Ebor[] Thom[as] filius Eluiue Tom[as] filius Tom[e] Ebor[] et Adam frater eius Apud Eboracvm

Source Fulltext: Charters of the Honour of Mowbray, 1107-1191. D. E. Greenway. Records of Social and Economic History, New Series 1. British Academy. Oxford University Press. London. 1972.