Eboracensi archiepiscopo et omnibus sancte matris ecclesie filiis Alicia de Gaunt uxor Rogeri de Mubrai salutem Sciatis me de mea bona et libera voluntate et sine omni exactione alicujus hominis concessisse et hac mea carta confirmasse in perpetuam elemosinam Deo et monachis Sancte Marie de Fontibus quicquid habent de dote mea in bosco et plano pratis et aquis pasturis essartis et terris cultis que pertinent ad honorem de Mallesart et ad Nidderdale et ad villam de Asserlac et preterea totam Birnebem cum omnibus pertinenciis suis et aisiamentis in bosco et plano et in omnibus aliis locis et rebus ad eam pertinentibus ita quiete libere et integre et plenarie sicut inde continetur in cartis prenominati domini mei Rogeri de Mubray et in cartis filiorum meorum Nigelli et Roberti Et sciendum quod ecclesia de Fontibus recepit me in omnibus orationibus et beneficiis suis et faciet post decessum meum pro me plenarium servicium in missis et psalteriis sicut pro monacho ejusdem domus fieri solet Hanc concessionem et confirmationem feci predicte ecclesie post Pascha scilicet iiij idus Aprilis anno incarnationis M C lxx vi eo anno quo oppida de Tresc et de Malessart prosternabantur Et in testimonium et in rememorationem dederunt michi predicti monachi unum annulum aureum

Source Fulltext: Charters of the Honour of Mowbray, 1107-1191. D. E. Greenway. Records of Social and Economic History, New Series 1. British Academy. Oxford University Press. London. 1972.