Hec est conventio inter hugonem abbatem salopesberie et conventum eiusdem loci et inter Johannem extraneum scilicet quod idem Abbas et conventus concesserunt Johanni extraneo et heredibus suis angulum nemoris sui de Bircha a loco in quo claustura parci ipsius Johannis descendit ad aquam de Peveree usque ad finem prati eiusdem Johannis ex parte molendini de Plettebrug[] ad augmentandum parcum suum tenend videlicet de ecclesia beati petri et de eis in perpetuum Reddendo inde eis annuatim unum damum in festo sancti petri ad vincula Ita scilicet quod nec idem Johannes nec heredes sui molendinum nec piscariam facient nel aliquid aliud in predicto bosco sibi concesso quod ad nocumentum molendini ipsius abbatis de Plettebrug[] vel ad aliud tenementum suum pertineat In excambium autem predicti boschi dedit predictus Johannes pro se et heredibus suis inperpetuum iamdicte ecclesie et monachis ibidem deo servientibus quinque solidatos terre in villa de Neutone que pertinet ad manerium suum de mudl[] scilicet dimidiam virgatam terre quam Robertus prefectus tenuit liberam et quietam ab omni servitio ad eum vel ad alios pertinente et quicumque prefatam terram de abbate et monachis tenuerit omnes eisiamenta que alii vicini sui in bosco et plano et pratis et pasturis habent ipse habebit Hanc autem terram concessit abbas et conventus Ricardo fili liliwini de eis tenend Reddendo inde annuatim pro omni servicio quinque solidos et si idem Ricardus vel heredes eius vel alii pro aliquo incommodo predictos v solidos pro prefata terra reddere noluerit predictus Johannes abbati et monachis totum plenum prenominate firme quinque solidorum in eadem villa faciet habere Predictus etiam abbas et conventus concesserunt Johanni extraneo et heredibus suis villam de Cota cum pertinentiis suis tenend de eis inperpetuum pro v solidis annuatim inde reddendis in festo sancti martini Johannes vero extraneus pro toto tenemento predicto sibi concesso homagium et fidelitatem fecit predicte ecclesie et eius heredes facere debent post eum et ipse et heredes eius cum summoniti fuerint racionabiliter infra comitatum ad placita abbatis venient ut autem hec convencio firmiter observetur comfirmatur abbati et conventui scripto et sigillo Johannis extranei Et eidem Johanni et heredibus scripto et sigillis abbatis et conventus Salopesberie Hiis testibus Willelmo filio Alani Magistro Roberto Salopesberie Radulfo extraneo Willelmo de hedl[] Helia de sai Ricardo corebeth Philippo filio Willelmi Hamone filio marescoti viviano de Rosal[] Rogero de Begesh[] Rogero corbeth Reinero de lee Ricardo filio siwardi Willelmo de verd[] et multis aliis

Source Fulltext: Cartulary of Shrewsbury Abbey. Una Rees. National Library of Wales. Aberystwyth. 1975.