Omnibus ad quos presens carta pervenerit Alexander dei gratia Conventrensis et lichefeldensis episcopus salutem in domino Ad hoc deus in sua nos ecclesia collocavit ut indigentibus presidentes pia subventione iuxta nostri debitum officio misericorditer subveniremus Ea propter insufficientie dilectorum in Christo filiorum Abbatis et monachorum salopesberie more pii patris compacientes qui se reddunt quibuslibet petentibus hospitales intuitu dei necnon ad relevandas eiusdem domus penurias et egestates medietatem omnium garbarum ecclesie de Welintone sub monte Gileberti necnon et capellarum eidem adiacentium ecclesie villularumque omnium propriis usibus perpetuo possidendam deputamus et auctoritate pontificali confirmamus salvis sibi semper et domui de salopesberia in omnibus decimis omnibus a nostris predecessoribus sibi et domui sue confirmatis quas iidem ab antiquo consueverunt in eadem percipere parochia salvis etiam minutis decimis et proventibus altelagii terra etiam arrabili redditibus tenentium terras de ecclesia decimis molendinorum pensionibus capellarum omnibus usibus perpeturom vicariorum qui in predicta pro tempore ministrabunt ecclesia assignatis Nobis siquidem et successoribus nostris ab eisdem monachis perpetui presentabuntur vicarii Qui si fuerint ydonei reperti recepta a nobis totius parochie animarum cura et in eadem canonice instituti honera sustinebunt archidiaconalia Quod ut nostra concessio et confirmatio rata sit et firma hanc cartam nostram sigilli nostri munimine roboravimus Hiis testibus magistro R de longedon[] officio nostro Alexandro archidiacono salopesberie magistro Radulfo de Lacok[] et aliis

Source Fulltext: Cartulary of Shrewsbury Abbey. Una Rees. National Library of Wales. Aberystwyth. 1975.