Willelmus dei gratia conventrensis ecclesie humilis minister omnibus ad quos presens scriptum pervenerit salutem in domino Noverit universitas vestra nos pietatis intuitu concessisse et presenti carta nostra confirmasse Dilectis filiis nostris Abbati et monachis salopesberie ecclesiam de Bassechirche cum omnibus pertinentiis suis in usus hospitum et pauperum convertendam pro ut bone memorie H et G predecessores nostri eam illi concesserunt et cartis suis quas inspeximus confirmaverunt Ita quidem quod dicti Abbas et monachi nobis et successoribus nostris idoneam personam ad competentem vicariam in ecclesia illa presentabunt qui honera eiusdem ecclesie sustinebit et nobis et successoribus nostris de spiritualibus illis autem de temporalibus respondebit Nos etiam in corporalem possessionem illius medietatis predicte ecclesie que fuit Willelmi Brun[] memoratos Abbatem et monachos induximus salvo nobis et successoribus nostris iure episcopali et parrochiali Hiis testibus Domino R Abbate de Lilleshull[] Magistris Johanne Blundo et Johanne de Ginges Datum per manum Magistri Roberti de Sandona[] apud lilleshull[] pridie nonas julii anno pontificatus nostri secundo

Source Fulltext: Cartulary of Shrewsbury Abbey. Una Rees. National Library of Wales. Aberystwyth. 1975.