Universis presentes litteras visuris et audituris petrus daubucun canonicus de Bruges salutem in domino sempiternam Noverit universitas vestra quod cum controversia orta fuisset inter Abbatem et conventum Salopesberie ex una parte et me ex altera super decimis de Walton[] in parrochia de mamerfeld[] videlicet tam maioribus quam minoribus et tam de propris quam de aliis de dicta villa provenientibus omnibus et singulis Demum memorata conquievit amicabiliter sub hac forma quod ego P recognovi decimas memoratas omnes et singulas esse Ius et proprietatem ecclesie de momerfeld antedicte pro me et successoribus meis imperpetuum Quare volo quod dicta ecclesia de momerfeld[] integre et in pace percipiat antedictas decimas de cetero sine omni impedimento seu contradictione mei vel meorum cum omnibus iuribus parrochialibus dictam ecclesiam de momerfeld[] contingentibus que de villa de Waletun[] poterunt provenire Et ad huius rei evidentiam ac testimonium huic scripto signum meum apposui Hiis testibus Domino Johanne Belegaumbe Magistris W de Blokelee et W de Wigornia capellanis de Bruges et aliis Datum die sabbati post festum sancti laurentii apud mamerfeld Anno domini m cc l vi

Source Fulltext: Cartulary of Shrewsbury Abbey. Una Rees. National Library of Wales. Aberystwyth. 1975.